Монгол хүн сансарт ниссэний 31 жил, Монгол улсын хиймэл дагуул.

Эдүгээгээс 31 жилийн өмнө Жүгдэрдэмидийн Гүррагчаа сансарт гарч Монгол түмэн баяссан билээ.

Үүнтэй холбогдуулаад олон сайхан илтгэлүүд тавигдсаны дотор Монгол улс хиймэл дагуултай болохоор бичиг баримт боловсруулж байгаа мэдээ, хүмүүсийн их сонирхолыг татлаа.
Мөн Монгол эмэгтэй хүн сансарт нисэх болтугай гэсэн санал дэвшүүлсэн нь хүмүүсийн их талархалыг хүлээлээ.
Дагуул хөөргөхтэй холбоотойгоор бас Ерөнхий сайдын дэргэд бүтэц бий болгох асуудал дэвшигдэх нь байна. Энэ бас их чухал санал юмаа.

Ерөнхий сайд Цаг Уурт айлчилж, Супер компьютер нээв.

Монгол Улсын Ерөнхий сайд Сү.Батболд 2012 оны 3 дугаар сарын 22нд Цаг Уурын байгууллага дээр айлчлан Цаг Уурчдын баярын мэнд дэвшүүлэн, мөн бас Дэлхийн усны өдрийг тохиолдуулан баярын мэнд хүргэлээ.

Онцолж хэлсэн зүйл нь - хөгжлийн түрүүнд байгаль орчноо авч үзэж байхаар бодлого боловсруулан батлуулна гэв.
Мөн Цаг Уурын урьдчилан сэргийлэх мэдээ боловсруулах ажиллагаа маш хурдан бөгөөд оновчтой болгож байгаа, Монгол улсад анх удаа ашиглалтанд орж байгаа Супер компьютерийн ажиллагааг нээлээ.