Мэдээлэл, харилцаа, холбооны 90 жил 2 дахь өдрөө

Мэдээлэл, харилцаа, холбооны 90 жил 2 дахь өдрөө буюу 2011.05.26 нд Төрийн Ордонд үргэлжилсээр. Энэ өдөр гол нь 2021 хүртэлх баримтлах бодлогын баримт бичиг боловсруулан, ирээдүйн хөгжлийн чиг баримжаагаа тодорхойлж авна.

За ингээд зарим зураг болон үзүүлэнгүүдээс толилуулъя.

Мэдээлэл, харилцаа, холбооны 90 жил

Мэдээлэл, харилцаа, холбооны 90 жил зөвлөгөөн Ордонд яг одоо явагдаж байна. Ерөнхийлөгчийн илгээлт, УИХ-ын даргын илгээлт, Мэдээлэл Холбооны Олон Улсын байгууллагын төлөөлөгч, Мэдээлэл, Харилцаа, Холбоо, Шуудангийн газрын дарга нар үг хэлж энэхүү зөвлөгөөнийг нээлээ.

Хоёр өдөр хуралдах энэхүү зөвлөгөөнөөр тулгамдаж байгаа асуудлуудыг хэлэлцэж шийдвэрлэх зөвлөмж боловсруулахаас гадна ирээдүйн бодлогын ноён нуруу босож ирэх юм.

800 гаруй төлөөлөгч оролцож байгаа нь Монгол улсад энэ чиглэлээр ажиллаж байгаа бүхий л салбарын төлөөллийг хамруулж чаджээ.

Ингээд энэ салбар сайн хөгжвөл бидэнд эдийн засгийн ямар ашиг тус авчирах талаар илүү их ярилцана гэж найдаж байна.

NASA-ийн мэргэжилтэнтэй ажиллаа

NASA-ийн мэргэжилтэн Сорокин Михайлтай 2011.05.09-14 хооронд ажиллаа. Даланзадгад дээр агаарын тунгалагшил буюу агаар мандлыг нарны гэрлээр судлах, ялангуяа аерозолыг нь судлах дэлхийн нийтийн AERONET сүлжээнд орсон багажийг ажилд оруулаад ирлээ. Дэлхий даяар маш олон оронд суурилуулсан сүлжээ бөгөөд өгөгдөхүүнүүдийг нь сайн ашиглавал маш хэрэгтэй хэмжилтүүд байгаа юм.
http://aeronet.gsfc.nasa.gov/new_web/Data_Transfer_Logs/GMS/current_report.html үүгээр орвол Даланзадгад дээрх багажийн хэмжилтийг харж болно.
Ер нь энэ тухай http://aeronet.gsfc.nasa.gov -ээс үзэж болно.

"Гео-мэдээлэл" сар бүрийн уулзалт

Хэзээ: 2011 оны 5-р сарын 18-ны өдөр, 18:30 – 20:30

Зорилго: Гео-мэдээллийн (Зайнаас тандан судлал (RS), Газарзүйн мэдээллийн систем (GIS) болон Хиймэл дагуулын байрлал тогтоох систем (GNSS) г.м) шинжлэх ухаан болон технологийн арга зүй, хэрэглээний талаар судлаач, мэргэжилтэнгүүд, оюутнууд болон сонирхогчид цуглан санал бодол, туршлагаа солилцох.
Сэдэв:

1. Монгол орны Зайнаас тандан судлалын түүх, хөгжил, хэрэглээ - Илтгэгч: М.Одбаяр, БОАЖЯ-ы Байгаль орчны Мэдээллийн төв

2. Google Maps-ийг хөгжүүлэх нь - Илтгэгч: В.Өлзийсайхан, TNC-ийн Монгол дахь хөтөлбөрийн газар

Хаана: МУИС-ийн Газарзүй Геологийн сургууль (6-р байр), 205 тоот

 

Төлбөр: ҮНЭГҮЙ

Санаачлагч: “Гео-мэдээлэл” блог (http://mongeoinfo.blogspot.com/)

Бизнетворкийн “Гео-мэдээлэл” бүлэг (http://biznetwork.mn/networks/671)

Зохион байгуулагчид:

Монголын Гео-мэдээлэл зүйн судлаачдын холбоо

Монгол улсын их сургуулийн Газарзүй Геологийн сургууль (http://geo.num.edu.mn)

Дэмжигчид:

“Геомонгол” блог (http://geomongol.blogspot.com/)

“Remote sensing&GIS” блог (http://rsgis-od.blogspot.com/)